Сыбайлас жемқорлықтың алдын алу бойынша ақпараттар, мақалалар

Сыбайлас жемқорлыққа жол бермеу - басты мақсат!
Ақтөбе облысы әкімдігінің 2015 жылғы 31 шілдедегі №289 қаулысымен бекітілген, «Ақтөбе облысында сыбайлас жемқорлыққа қарсы іс-қимыл жөніндегі 2015-2017 жылдарға арналған іс-шаралар жоспарына» сәйкес, сыбайлас жемқорлыққа қарсы іс-қимыл жөнінде облыстық мәдениет, архивтер және құжаттама басқармасында және ведомствалық бағыныстағы әрбір мемлекеттік мекеме, кәсіпорында нақты іс-шаралар жоспарлары қабылданып, жыл ішінде белгіленген шаралар әр ай сайын толық іске асырылуда. Сондай-ақ, сыбайлас жемқорлыққа қатысты келеңсіз жағдай орын алмау үшін, жауапты қызметкерлер арасында оның алдын алу жұмыстарының жүргізілуі, әсіресе кадрлардың жиі алмасуына жол бермеу, басқарма, облыстық мәдениет, архив мекеме, кәсіпорындарында мемлекеттік қызметтердің көрсетілуі мен мемлекеттік сатып алуларды өткізу, мемлекеттік қызметтер - келісім, анықтамалар беру функцияларын жүзеге асыру жағдайларында сыбайлас жемқорлыққа жол бермеу қамтамасыз етіліп, оның ұдайы сақталуы тұрақты бақылауға қойылды. Сонымен бірге ведомствалық бағынысты облыстық, мәдениет, архив мекеме, кәсіпорындары, аудандық музейлер мен архивтерде сыбайлас жемқорлықтың алдын алу, түсіндіру және болдырмау шараларын күшейтуге бағытталған семинарлар мен дөңгелек үстелдер ұйымдастыру ісі жақсартылып келеді.
Мысалы а.ж. 5 мамыры күні С.Бәйішев атындағы облыстық әмбебап ғылыми кітапханасында ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Ақтөбе облысы бойынша департаментімен бірлесіп «Әдебиет» жобасы аясындағы «Сыбайлас жемқорлыққа қарсы мәдениет негіздері» атты екі тілде жарық көрген кітаптар таныстырылымы ұйымдастырылды. Онда «Әдебиет» жобасымен «Сыбайлас жемқорлықпен күрес – баянды болашақтың кепілі» атты кітап көрмесі өткізілді.
Сыбайлас жемқорлық қылмыстың түсініктемесі және белгілері басқарманың madeniet.aktobe.gov.kz интернет-ресурстарында орналастырылған және 8(7132) 56-03-12 сенім телефоны тұрақты жұмыс жасайды. Басқарма қызметкерлерінің немесе мемлекеттік қызметшілерге теңестірілген облыстық мәдениет, өнер, архив мемлекеттік мекемелері, кәсіпорындары директорлары тарапынан құқық бұзушылық немесе сыбайлас жемқорлық фактілері орын алған жағдайда, көрсетілген телефон бойынша хабарласуға болады.
Алдағы уақытта да сыбайлас жемқорлыққа қарсы құқық бұзушылықтарды болдырмау мақсатында "Ақтөбе облысының мәдениет, архивтер және құжаттама басқармасы" ММ-інде және оған ведомствалық бағыныстағы мекеме, кәсіпорындарда сыбайлас жемқорлықтың алдын алу, түсіндіру және болашақта болдырмау жөнінде жоспарға сәйкес өткізілудегі түрлі шаралар, көрмелер семинарлар, дөңгелек үстел және тағы басқаларды ұйымдастыру әрі қарай жалғастырылып жүргізіле береді.
Маржан Қорғанбаева,
Ақтөбе облысының мәдениет,
архивтер және құжаттама
басқармасының басшысы